Plantun de Prouvènço

Pèr coumpara dos planto d'encò nostre

Prunus brigantina & Hieracium amplexicaule

Afatoulié

Prunus brigantina

Rosaceae

Àutri noum : Afatounié, Afatourié, Afàtou.

Nom en français : Prunier de Briançon.

Descripcioun :
L'afatoulié se recounèis l'estiéu à si afàtous (abrignoun, afatoun) verd pièi jaune. Flouris au printèms emé de pichòti flour blanco d'ounte sorton de lònguis estamino. Li fueio, que sèmblon à li de l'ambricoutié vènon bèn à l'après.

Usanço :
Se fai de counfituro emé lis afàtous (emé proun de sucre !), e d'òli de marmoto emé lis amandoun (meseioun). Fau aperaqui 10 000 amandoun pèr n'en faire un litre. J.-R. Fortoul, op.cit., ramento que lis afàtous èron descalagna dóu tèms di lòngui vihado. L'òli èi bon pèr la cousino e pèr sougna li macaduro e lou mau d'os. Se metié un tros de pan dins la sartan pèr leva la forto óudour de l'òli : "Lou pan surbiò lou gros dal fouort de l'óli, l'amarun". Lou darrié moulin s'arestè de vira en 1923 à Suzo (CN).

Port : Aubre
Taio : Pancaro entresigna
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Prunus
Famiho : Rosaceae

Ordre : Rosales

Coulour de la flour : Blanco
Petalo : 5
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Sebisso - Prado
Estànci : Subremediterran à Mountagnard
Couroulougi : Pancaro entresigna
Ref. sc. : Prunus brigantina Vill., 1786

Esparello(-di-fueio-embrassanto)

Hieracium amplexicaule

Asteraceae Compositae

Nom en français : Épervière à feuilles embrassantes.

Descripcioun :
Aquesto esparello trachis pulèu en mountagno dins li paret e li roucas. Èi la mai coumuno dóu group AMPLEXICAULIA qu'an de fueio emé de péu glandoulous e qu'embrasson la cambo. L'esparello-di-fueio-embrassanto porto de 2 à 7 fueio de cambo, de mai en mai pichoto vers lou aut ; aquéli d'en bas soun souvènt en viouloun. Li brout soun en pinceloun e li ligulo de flour peludo. Pensa de coumpara emé lis àutris esparello.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 15 à 50 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Hieracium
Famiho : Asteraceae
Famiho classico : Compositae
Tribu : Cichorieae
Ordre : Asterales

Coulour de la flour : Jauno
Petalo : >6
Ø (o loungour) flour : 2 à 3 cm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Remarco : Planto pegouso
Mai à avoust

Liò : Paret - Roucas
Estànci : Subremediterran à Aupen
Couroulougi : Mediterranenco-Mountagnouso-Nord-Ouèst
Ref. sc. : Hieracium amplexicaule L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Prunus brigantina & Hieracium amplexicaule

ges

Coumpara Afatoulié emé uno autro planto

Coumpara Esparello(-di-fueio-embrassanto) emé uno autro planto